Dens lo paisatge deus aparaires de la lenga e de la cultura occitana, l’Escòla Occitana d’Estiu ocupa una plaça a despart per causa de la soa ancianetat e de la soa valor simbolica. Mes qu’ua escòla aquò’s un eveniment culturau annau qui marca cada estiu au mes d’agost a Vilanuèva d’Òut l’apogèu deus rencontres occitans.
Estoc creada en 1974 per militants infatigables de l’occitanisme : Marcèu Esquieu qui nos deishèt en genèr passat, Cristian Rapin e Joan Rigosta. Aqueths escrivans, lingüistas e professors de nautat qualitat que decidèn de crear un lòc consacrat a la reconquista de l’occitan per de corses, de talhèrs, de conferéncias e de velhadas. I vengón milèrs d’escolans originaris de totes los parçans d’Occitània e d’en dehòra ende vivér dens la lenga, valent a díser charrar, cantar, dançar, jogar occitan dins la mes grana convivialitat.
L’EOE estoc marcada per la hórta personalitat de Marcèu Esquieu e qui’n demorèt longtemps lo director incontestable.
L’associacion EOE que vengoc, 6 ans i a, la seccion departamentala de l’Institut d’Estudis Occitans.
Que deten a Vilanuèva un locau damb ua permanenta, qu’organiza corses de lenga setmanèrs peus adultes : a Agen e Montflanquin e que participa, cana annada damb las autas associacions occitanistas a la Quinzena Occitana, a la prima en collaboracion damb lo Conselh Departamentau.
Onguan l’EOE qu’es debanarà deu 16 au 22 d’agost al licèu l’Ostau.
Escòla Occitana d’Estiu
16, carrèra de Pujols, 47300 Vilanuèva d’Òut
Tel/fax : 05 53 41 32 43
École Occitane d’Été
Dans le paysage des défenseurs de la langue et de la culture occitane, l’École Occitane d’Été occupe une place à part par son ancienneté et sa valeur symbolique. Plus qu’une école, c’est un événement culturel annuel qui marque chaque été au mois d’août à Villeneuve‑sur‑Lot l’apogée des rendez‑vous occitans.
Elle a été créée en 1974 par des militants infatigables de l’occitanisme : Marceau Esquieu qui nous a quittés en janvier dernier, Christian Rapin et Jean Rigouste. Ces écrivains, linguistes et professeurs de grande qualité, décidèrent de créer un lieu consacré à la transmission et l’apprentissage de l’occitan par des cours, des ateliers, des conférences et des veillées. Y sont venus des milliers d’élèves des quatre coins d’Occitanie et au‑delà pour vivre dans la langue, c’est‑à‑dire converser, chanter, danser, jouer occitan dans la convivialité.
L’EOE a été marquée par la forte personnalité de Marceau Esquieu qui en demeura longtemps son directeur incontestable.
L’association EOE est devenue il y a 6 ans la section départementale de l’Institut d’études occitanes.
Elle a un local avec une permanence à Villeneuve, elle organise des cours de langue hebdomadaires pour les adultes à Agen et Monflanquin et participe avec les autres associations occitanistes tous les ans au printemps à la Quinzaine occitane en collaboration avec le Conseil départemental.
Cette année, l’EOE se déroulera du 16 au 22 août au lycée l’Oustal.
École Occitane d’Été
16, rue de Pujols
47300 Villeneuve-sur-Lot
Tél/fax : 05 53 41 32 43