L'aigat de 1875

Garona es pas solament un riu sus lo qual la navegacion es totjorn estada dificila.
Es tanben fòrça capriciosa, e l'istòria d'Agen es mirgalhada de sas colèras, qu'an provocat d'inondacions destructivas, coma en 1435, quand de batèus passèron al dessús de las muralhas de la vila completament destrucha.
I a d'aniversaris penoses que prefeririam pas celebrar.
Fa exactament 150 ans, Agen patiguèt lo grand aigat de junh de 1875, coma Tolosa e totas las vilas fluvialas lo long de son cors.
Pasmens, aquel mes de junh aviá començat amb un solelh caud e radiant, mas alara la Garona, subran coflada per qualques jorns de pluèja torrenciala e sos afluents, se desmairèt. En dos jorns, Agen èra completament jos l'aiga. Pendent la nuèch del 23 al 24, l'inondacion atenguèt 11,75 m.
Dins la vila, subrondavan sonque los Jacobins, lo licèu Chaumié, e lo mercat cobèrt de fusta (futur mercatparcatge). Quitament l'estatua de Jansemin aviá los pès banhats.
Los ostals long de Garona foguèron emportats.
Lo bilanç de l'inondacion foguèt de uèch vidas, sens parlar dels damatges materials immenses. Lo President de la Republica de l’epòca, lo marescal Mac-Mahon, visitant la vila, auriá pas trobat res de melhor a dire que : « Mas que d’aiga, mas que d’aiga... »
Mas Garona aviá pas dich son darrièr mot.
Recidivèt en 1930 (quand s’envisatgèt quitament de far petar lo pont canal!),1952, e 1981. Urosament, dempuèi la construccion de la restanca de proteccion contra las inondacions dins las annadas 1990, la "pèrla del miègjorn" sembla a l’abric d'un desastre atal.

Lire la traduction

Jean-Pierre Hilaire - 06 76 47 32 12 - Jean-pierre.hilaire@wanadoo.fr

Des suggestions pour cette rubrique ?